musi mi (Kiwen Kon) lon ilo musi GameBoy

tenpo pini la, mi sitelen e lipu pi musi mi "Kiwen Kon":
2022-05-08 - musi pi ilo nanpa (en musi pi ilo musi Playdate)

tenpo ni la, sina jo ala e ilo musi Playdate la, sina ken musi e musi Kiwen Kon lon ilo musi GameBoy! mi pali e ona kepeken ilo pi pali musi GB Studio. sina ken kin musi e ona kepeken ilo lipu WWW lon ilo nanpa tomo anu ilo toki.
o kama jo e lipu pi ilo musi GameBoy ("ROM") kepeken sitelen pona
o kama jo e lipu pi ilo musi GameBoy ("ROM") kepeken toki pona (sitelen Lasin)
o musi kepeken ilo lipu WWW
ilo pi pali musi GB Studio [toki Inli]

sina ken musi e musi ni lon toki Inli. taso toki pona li toki nanpa wan pi musi ni.


musi ni kepeken sitelen pona mi pi leko lili 7x7:
/lipu-tenpo/2022-05-15-sitelen_pona/